21 Februari 2009

Ampukung Kayapa habar?

Nah...tamumulai dah saurang ni manulis. Tulis tarus tu pang. Ka mana kah layaunya tutulisan. Mudahan ai jangan tasambati urang di higa rumah. Timbai urang wan sandal capal imbah am... takuciak nang ai. he he..

Hari ini Ulun handak bajalan ka Ampukung nah. Dahulu Ampukung tabagi dua, ada Ampukung Hilir wan Ampukung hulu. Dua baarti pambakalan. Tapi wayah damini Ampukung tu bergabung jadi satu. Tinggal Ampukung Haja lagi. Pambakalan saikung, RTnya ada 9. Wayah ni tahun 2009 ngaran pambakal Muhiyudinnor, biasa sidin dikiyau "Habib Udin".
Ulun handak bajalanan ka Ampukung. Basapida mutur tulak ka Ampukung kawa lewat jembatan Masintan, jembatan Gantung RT 6 atawa ka hilir lagi di RT 1. Jambatan gantung jumlahnya ada tiga. Sabuting lagi ada di RT 9. Tapi pang jembatannya kada waras. Jangan dilalui pakai sapida mutur, bajalan batis gin bagamat bajajak. Kaluku tacabur habis larut ka sungai Tabalong.

0 komentar:

Posting Komentar

Terima kasih komentarnya.Let's Share Together...

 
© Copyright by Kelua Gaul :: Informasi Banua Seputar Budaya, Ekonomi, Sosial, Agama dan Pendidikan  |  Template by Kelua Gaul